پریس ریلیز
بی ایس سی اسلام آباد نا جارکش آ رسانکدار ءَ شینک کروکا بیان ٹی پارینے کہ زبان زندہ ئنگا راج آتا نشانی ء۔ او دنیا ٹی ہمو راج آتے کہ راجی شناخت ئس ارے ہمو کہ تینا راج ء شناخت ء رکھانو۔ زبان تنیا ایت و گپ ئنا وسیلہ ٸس اف بلکہ قومی شناخت، چاہنداری، تاريخ، قومی شعور ، ادب کل زبان نا تہٹی بریرہ ۔ زبان ئسے وخت ئٹی ایت و گپ ءُ ثقافت ء شونداری تروکا ء ۔ ہمو ثقافت کہ کِرن آتیا ننا باوہ پیرا غاک رکھانو ء ہمو چاہند کہ اینو ننا شعور نا بشخ ء زبان نا ردئٹ ننے ئسکان بسونو سر مسنو زبان قومی شناخت ء او تینا زبان ء رکھنگ اوٹی نوشتہ کننگ گپ ؤ ادب ودی کننگ بھلا زمہ واری تیان اسٹ ء ، زبان تون خڑکی گلزمین تون مہر ء پین زیات کیک انتۓ کہ ہر زبان نا تب تینا زمین نا مہر تون تفوکہ، دا زبان ء کہ ہزار آ سال تا تاریخ ء ننا مونا ملِک او ننے قومی سنج ءُ چاہند ء سر کیک۔ ہمے دور باری تیان ننے آن تینا فوک وزڑم زبان نا برکت ئٹ شاعری نا دروشم آ سر مسونے زبان نا گیرامی تینا راج ء گوہنگ ء ۔
بی ایس سی ، اسلام آباد اولی دے ان اندا جہد ئٹی ء تینا راجی زبان تے رکھه او تینا وس ءُ واک آتیٹی اسلام آباد نا بلوچ خوانندہ تے تینا لمئ بولی تیتو خڑکی کریفنے مدام زبان نا شونداری کن جہد کرینے۔ مدام اندا جہد مسونے کہ بلوچ خوانندغاک تینا راجی زبان تے خوانر نوشت کیر او مونی گام خلیر ۔ زبان ء خواننگ، نوشت ءُ ادبی تنقید آک زندہ تخرہ داڑے خوانندہ تیا تینا راجی زبان، ادب، نوشت آتا سر مننگ نا مدام جہد مسونے ء بروکا وخت آتیٹ ہم اندونو گامگیج ارفنگک تانکہ نن تینا زبان ء گوئپن ۔
بیست ء یک فروری ہمو دے ء کہ زوراک ء ملک بنگالی تا قتل کوش کیک وخت ئس کہ او اندا خواست ء کیرہ کہ ننا راجی زبان بنگالی مرے ۔ اندون بنگالی زبان بنگالی راجدوستی نا بنیات جوڑ مریک ۔ اندا دے نا بابت ئٹ یونیسکو ۱۶ نومبر ۱۹۹۹ بیست ء یک فروری آ لمئ بولی تا دے گونِدک او اینو مچا دنیا ٹی چاہنکگ۔
بی ایس سی اسلام آباد ، اسلام آباد ئٹ تولوک آ بلوچ خواندہ غاتے اندا پنت ء ایتک کہ او تینا راجی زبان تے خوانر، نوشت کیر، جاچ ءُ پٹ و پول کیر اگہ نن تینا جند ئنا زبان ء خوانپن نوشتہ کپن، پین کس ئس ننا زبان ء خوانپک ء مونی دپک اندون سرکار ہم ہچو کسر ئس الیتنے ۔ دا ننا راجی زمہ واری تیان اسٹ ئسے کہ نن تینا زبان ء تینا کین اندون زبان ء اونا ایت کروک ء نوشتہ کروک آک زندہ تخرہ ، تینا شعوری مڑی ء زندہ تخنک ء ردوم ایتنگ ننا زندہ مننگ نا نشانی ء اندا رد ئٹ بی ایس سی، اسلام آباد پگہ اندا سرھال نا زی آ دیوان ئس اڈ ایتک ، نما ساڑی مننگ ننکہ شرف ئس مرو ۔
منتوار
بلوچ سٹوڈنٹس کونسل اسلام آباد